Name: Sakeredding
Address: 14 12th Street Menlo Park Pretoria 0081, Pretoria, Gauteng, 0081, ZA
Telephone: +27123444315

Dit is die proses om ŉ entiteit wat in finansiële nood is te rehabiliteer. Die rehabilitasie behels ŉ tydelike oorsig van die besigheid se sake, bedrywighede en eiendomme. Geen regstappe mag teen die entiteit gedurende besigheidsredding geneem word nie, alhoewel daar sekere uitsonderings is.

ŉ Goedgekeurde sakereddingsplan word geïmplementeer ten einde die rehabilitasie van die entiteit te bewerkstellig deur herstrukturering van die entiteit se besigheid, sake, eiendom en skuld.

Die aangestelde SRP is 'n beampte van die hof.
Die SRP neem die volle beheer van die besigheid oor, magte mag terug gedelegeer word.
Hy mag enige persoon uit sy pos verwyder en 'n ander persoon in sy plek aanstel.
Die direkteure moet so gou as moontlik alle boeke, rekords en toepaslike inligting aan die SRP oorhandig.
Binne 5 dae na die aanvang van die reddingsverrigtinge, moet die direkteure ŉ vermoënstaat gee wat ten minste die volgende besonderhede openbaar:
- Wesenlike transaksies binne 12 maande voordat die redding begin het.
- Enige hof-, arbitrasie- of administratiewe verrigtinge waarby die maatskappy betrokke is/was.
- Bates en laste gedurende van die afgelope 12 maande.
- Inkomste en uitgawes van die afgelope 12 maande.
- Die aantal werknemers.
- Kollektiewe of ander ooreenkomste met betrekking tot die regte van die werknemers.
- Debiteure en hul verpligtinge teenoor die maatskappy.
Die SRP moet die sake-, besigheid-, eiendoms- en finansiële situasie van die besigheid ondersoek en vasstel of daar 'n redelike vooruitsig is om die besigheid te red.
As daar nie 'n redelike vooruitsig is om die besigheid te red nie, moet die nodige partye in kennis gestel word daarvan waarna die besigheid gelikwideer moet word in die hof.
Die SRP moet binne tien dae na sy aanstelling 'n vergadering van skuldeisers hou en 'n vergadering met die verteenwoordiger van die werknemers. Hy moet hulle inlig as daar 'n redelike kans is om die onderneming te red. Hulle moet in kennis gestel word dat elkeen van hierdie groepe 'n komitee mag vorm om hulle te verteenwoordig. Eise teen die besigheid word ook ingedien.
Kennisgewing van hierdie (eerste) vergadering moet aan alle geaffekteerde persone, insluitend krediteure en vakbonde gegee, word te minste 5 dae voor die vergadering gehou word. Die kennisgewing moet duidelik die tyd, datum, plek en agenda bevat.
Die SRP moet met die bestuur van die onderneming konsulteer en 'n sakereddingsplan opstel soos beoog in die Wet.
Die plan om die besigheid te red moet binne 25 sakedae nadat die SRP aangestel is, gepubliseer word. Hierdie tydperk kan langer wees indien die meerderheid van die geaffekteerde persone stem daarvoor of as die hof dit beveel.
Binne tien sakedae na die publikasie van die Plan moet die SRP krediteure en ander houers van stembelang inlig van die vergadering om die plan te oorweeg en te stem daarvoor of nie. Kennisgewing van hierdie vergadering moet ten minste 5 sakedae vooraf uitgestuur word. Die kennisgewing moet uiteensit datum, tyd, plek en agenda, asook ŉ opsomming van die regte van die geaffekteerde persone om aan die sodoende vergadering deel te kan neem en te kan stem.
Die Reddingsplan word ingestel, oorweeg, daaroor gestem (met of sonder wysiging)
Sodra 75% van geaffekteerde persone teenwoordig is by die vergadering en die plan word aanvaar, is dit bindend vir die besigheid en alle geaffekteerde persone.
Sodra die maatskappy uit sy finansiële probleme is, moet hy die hof, die maatskappy en alle geaffekteerde persone, in kennis stel en die sakeredding tot ŉ einde bring.

Welkom by Sakeredding

Oor Ons

Ons Dienste

Sakeredding Proses

Tydens Sakeredding

Belanghebbendes

Sakereddingsplan

Belangrike Nota vir Direkteure

Vrae en Antwoorde

Kontak Ons

Kontak Besonderhede